Litlu jól í Krummafæti voru haldin í gær 21. desember. Mikil gleði, spenna og góðir gestir :)

Það er ýmislegt búið að bralla í Krummafæti í desember eins og meðfylgjandi myndir sýna. Heimsókn á Grenilund, Jólapeysu/húfudagur og kindlaganga grunnskólans svo eitthvað sé nefnt...

Við skreyttum piparkökur í dag og hver kakan annari glæsilegri eins og sjá má. Kökurnar borðum við á litlu jólunum okkar miðvikudaginn 21. desember.

Það voru tvö afmælisbörn í Krummafæti í dag. Þórður Geir er þriggja ára í dag og Zofia verður þriggja ára þann 18. desember næstkomandi. Þann dag verður Zofia farin í jólafrí til Póllands og því upplagt að halda uppá daginn með vini sínum. Við óskum þeim innilega til hamingju með dagana sína :)

Keli kom í heimsókn til okkar 1. des síðastliðin. Hann var með létta fræðslu fyrir elstu börnin um eldvarnir og viðbrögð í eldsvoða. Hápunkturinn var svo þegar hann mætti með slökkviliðsbílinn í hlaðið og sýndi allar græjurnar sem hann hefur að geyma.

Það var ýmislegt um að vera hjá okkur í vikunni sem er að líða. Krufning á Lýsu, heimsókn í frystihúsið og allskonar föndur og fínerí sem tengist hafinu. Auk alls þessa komu tveir nýjir nemendur í Krummafót, þau Logi og Glóð. Fallegir gullfiskar sem gleðja börn og starfsfólk.