Fréttir

Veðrið hefur ekki verið skemmtilegt þessa vikuna en börnin láta það lítið á sig fá:)

Veðrið hefur aldeilis leikið við okkur í maí mánuði og því skelltum við í sulludag einn blíðviðrisdaginn. Óhætt að segja að börn og fullorðnir hafi haft gaman af :)

Góður dagur í dag þar sem elstu árgangarnir okkar kíktu í heimsókn í sveitina í Áshól. Veðrið lék við okkur og heimsóknin frábær í alla staði.

Skemmtileg vika að baki þar sem við fræddumst um nokkur lönd sem tengjast leikskólanum. Við fengum einnig nokkra foreldra (mömmur og ömmur) í lið með okkur í matargerð sem heppnaðist mjög vel og þökkum við þeim kærlega fyrir aðstoðina. Alltaf gaman að smakka eitthvað nýtt. Ekki skemmdi fyrir að veðrið var alveg uppá 10 :)

það var mikið um að vera hjá okkur síðastliðin föstudag þegar Krummafótur hélt upp á 25 ára afmælið sitt með opnu húsi fyrir gesti og gangandi. Ótrúlega margir sem kíktu við, skoðuðu myndlistasýninguna okkar og fengu sér köku og kaffi. Við náðum því miður ekki myndum af öllum en fullt af skemmtilegum myndum engu að síður. Takk allir fyrir komuna, þetta var skemmtilegt:)

Við fengum afhenta veglega gjöf á dögunum frá Sænes ehf í tilefni af 25 ára afmæli Krummafótar. Okkur hefur lengi langað að eignast Einingakubba og varð sú ósk að veruleika með þessari gjöf. Börnin alsæl og glöð og hófust strax handa við að byggja.

það var heilmikið um manninn hjá okkur í dag þegar ömmur og afar, frændur og frænkur kíktu í heimsókn. Alltaf gaman á þessum dögum.

Brasað og brallað í mars :)