Fréttir

Það er ýmislegt búið að bralla í maímánuði í Krummafæti bæði úti og inni :)

það var aldeilis gaman að fá að kíkja í heimsókn í sauðburðinn á Grund. Börn og starfsfólk skemmti sér konunglega. Takk fyrir okkur Hóbba og Inga :)

Elstu gaurarnir okkar hafa heimsótt 1. bekk í grunnskólanum með reglulegu millibili í vetur. Nú í maí fengu þeir að skella sér með í sundkennsluna.

það var nóg um að vera hjá elstu drengjunum okkar síðastliðin þriðjudag en þá fóru þeir í útskriftarferð inn á Akureyri. þeir fóru í heimsókn á slökkviliðsstöðina, á flugsafnið og í kjarnaskóg svo eitthvað sé nefnt. Ótrúlega skemmtilegt :)

Við buðum mömmu í morgunkaffi í tilefni af mæðradeginum 14. maí næstkomandi. það var því líf og fjör í morgunsárið hjá okkur:) Nokkrar myndir frá deginum áður fylgja með þegar við fengum óvænta heimsókn frá lögreglunni sem var að athuga með ganga mál á víkinni fögru.

Við höfum fengið góða viðbót í sandkassan hjá okkur en Bjarni í áhaldahúsinu smíðaði fyrir okkur glæsilegt eldhús og nú er eldað eins og engin sé morgundagurinn.

Það hefur ýmislegt verið dundað í Krummafæti í marsmánuði. Hér má m.a finna myndir úr skólaheimsókn og frá ömmu og afa kaffinu okkar sem var í dag.

Alltaf líf og fjör á hinum árlega öskudegi í Krummafæti.

Kósýdagar eru nauðsynlegir í skammdeginu. Naglalakk og nudd, gerist ekki betra :)

Yngsta liðinu okkar líður best í salnum, þar er nóg af rými til að sprikla, príla á púðum og gleymum nú ekki að dansa. þessi eldri eru hins vegar algjörir útijaxlar og fara út tvisvar á dag nánast sama hvernig viðrar :)