Fréttir

Það voru tvö afmælisbörn í Krummafæti í dag. Þórður Geir er þriggja ára í dag og Zofia verður þriggja ára þann 18. desember næstkomandi. Þann dag verður Zofia farin í jólafrí til Póllands og því upplagt að halda uppá daginn með vini sínum. Við óskum þeim innilega til hamingju með dagana sína :)

Keli kom í heimsókn til okkar 1. des síðastliðin. Hann var með létta fræðslu fyrir elstu börnin um eldvarnir og viðbrögð í eldsvoða. Hápunkturinn var svo þegar hann mætti með slökkviliðsbílinn í hlaðið og sýndi allar græjurnar sem hann hefur að geyma.

Það var ýmislegt um að vera hjá okkur í vikunni sem er að líða. Krufning á Lýsu, heimsókn í frystihúsið og allskonar föndur og fínerí sem tengist hafinu. Auk alls þessa komu tveir nýjir nemendur í Krummafót, þau Logi og Glóð. Fallegir gullfiskar sem gleðja börn og starfsfólk.

Það var notaleg og heimilisleg stemmning hjá okkur í morgunsárið þegar pabbar, afar, ömmur og frændar kíktu í heimsókn til okkar í tilefni af feðradeginum sem er næstkomandi sunnudag 13. nóvember.

Þau Stefán Atli og Thelma Nilakshi urðu bæði 4 ára í október. Stefán þann 3. og Thelma þann 4. Við óskum þeim innilega til hamingju með dagana sína :)

Við héldum smá hrekkjavökugleði í morgunsárið. Börn og starfsfólk mætti i búningum og leikskólinn var skreyttur hátt og lágt. Að sjálfsögðu var svo smá dansiball.

Árlegur bleikur dagur var haldin hjá okkur síðastliðin föstudag 14. október. Þann daginn klæðum við okkur i bleik föt, fáum bleikt naglalakk og jafnvel bleikan varalit. Allt saman jafn æðislegt :)

Á dögunum sömdu börnin reglur fyrir útiveruna i Krummafæti. Hér ætla allir að leggja sig framm við að vera góð hvert við annað, enda eiga öll dýrin í skóginum að vera vinir:) Við erum líka voða dugleg að klæða okkur uppá og snyrta hvort annað örlitið, það er svo kósý:

Það voru tvær skvísur sem áttu afmæli í september í Krummafæti. En Eldey Amelía varð 1 árs þann 5. september og Amelía varð 3 ára þann 16. september. Við óskum þeim innilega til hamingju með daginn :)

Það var heilmikið um að vera hjá okkur í liðinni viku eins og myndirnar bera með sér.