Fréttir

það voru fjórir litlir snillingar sem fögnuðu afmælisdegi í október í Krummafæti. Hlynur Daði varð tveggja ára og Melkorka Rún eins árs 2. október. Stefán Atli varð fimm ára þann þriðja ogThelma varð fimm ára þann fjórða. Við óskum öllum þessum snillingum til hamingju með daginn sinn :)

það er ýmislegt sem búið er að brasa í september hjá okkur í Krummafæti. Ber þar hæst að nefna velheppnaða fjöruferð þar sem við fundum ekki eina heldur tvær marglyttur :)

Við erum búin að tína allskonar ber í vikunni sem er að líða. Jarðarber í garðinum hjá Síssu og svo bæði bláber og krækiber. Uppskeran var ekki mikil en nóg til að gleðja lítil hjörtu sem ýmist týndu uppí sig jafnóðum eða settu í krukku.

Það er alltaf gleði hjá börnunum þegar þau snúa aftur í leikskólann eftir sumarfrí :) það var búið að bæta við rólum sem vakti kátínu og svo héldum við m.a. hatta og sólgleraugnadag og kvöddum elsku Evu Steinunni sem er flutt til Akureyrar og komin í nýjan leikskóla.

Það voru þrír snillingar sem fögnuðu afmæli í júnímánuði í Krummafæti. Mía Teresa og Hrefna Rún deila afmælisdegi þann 10. júní. Mía varð þriggja ára og Hrefna tveggja og óskum við þeim til hamingju með dagana sína :) Aron Ellert varð svo sex ára þann 15. júní og óskum við honum einnig til hamingju með daginn sinn :)

það er ýmislegt búið að brasa í júni í Krummafæti. Má þar nefna skordýraviku, andlitsmálun og bangsadag svo eitthvað sé nefnt. Svo fengum við líka lánaðan hoppukastala einn fyrripart sem var æði :)

Það voru þrír galvaskir drengir sem útskrifuðust í Krummafæti 31. maí síðastliðin. það hefur verið hefð fyrir því að útskriftarárgangurinn bjóði til veislu og það varð engin breyting þar á í ár.

Það er ýmislegt búið að bralla í maímánuði í Krummafæti bæði úti og inni :)

það var aldeilis gaman að fá að kíkja í heimsókn í sauðburðinn á Grund. Börn og starfsfólk skemmti sér konunglega. Takk fyrir okkur Hóbba og Inga :)

Elstu gaurarnir okkar hafa heimsótt 1. bekk í grunnskólanum með reglulegu millibili í vetur. Nú í maí fengu þeir að skella sér með í sundkennsluna.